Qumështi i pasterizuar UHT që vjen nga Maqedonia do t’i nënshtrohet procedurave të hetimit
May 15, 2017
Mblidhet Komiteti për Legjislacionin, Taksat dhe Procedurat i Bashkimit të Prodhuesve Shqiptarë
May 17, 2017
Sot më datë 15 maj 2017, tek Piramida, Tiranë, po zhvillohet dita e dytë e Panairit të Startupeve, në kuadër javës së inovacionit. Përfaqësues nga Shqipëria dhe Kosova ishin të pranishëm me prezantimin e produkteve të tyre inovatore.
Në fjalën e tij përshëndetëse z. Arben Shkodra, Sekretar i Përgjithshëm i Bashkimit të Prodhuesve Shqiptarë u shpreh se: “Jam shumë i kënaqur që jam përfshirë në disa aktivitete, por ky është një aktivitet fantastik se ju bën të gjithëve bashkë. Janë disa presh jush që kanë gjëra komplementare me njëri tjetrin, disa bëjnë dizajnin, disa inxhinierin, arkitektin e kështu me rradhë. Ne vijmë nga bota e sipërmarrjes, në fund të ditës ju keni ide fantastike, ju bëni inovacion, por çfarë doni ju? Ju doni që në fund të ditës ajo ide e juaja të shkojë tek konsumatori, por kush është konsumatori juaj? Sipërmarrja është konsumatori final. Ajo çfarë po bën “Innovation Hub” është për të filluar për të kuptuar si mundemi të bashkëpunojmë me njëri tjetrin. Sapo ju të dilni në treg uroj që inovacioni juaj të jetë pjesë e prodhimit shqiptar. Ne nuk duhet të jetojmë si në ishull, ju më vete ne më vete, por duhet të sinkronizohemi me njëri tjetrin me qëllim që të kuptojmë sa të vlefshme janë inovacionet e juaja”.
Z. Sokola Kraja, administrator i kompanisë “KRACO” dhe anëtarë i Bashkimit të Prodhuesve Shqiptarë, në fjalën e tij ndër të tjera u tha inovatorëve më të rinj: “Mundohuni që gjithmonë të angazhoni specialistët më të mirë që ju keni, sepse sot diferencën nga kompanitë në kompani nuk e bëjnë makineritë, nuk e bënë produkti por njerëzit, pra mundohuni të rekrutoni gjithmonë njerëzit më të mirë se ato bëjnë diferencën sot. Mos i kurseni paratë për të paguar atë që kanë tru, se po na ndodh që tregu huaj po përthith të rinjtë tanë më të aftë. Shoqëria jonë investon tek këta njerëz, paguan nga taksat tona arsimin fillor, të mesëm dhe të lartë dhe kur vjen koha të vjelim nga këto njerëz i merr një vend i huaj. Ju ecni në rrugën tuaj, krijoni produkte me cilësi që të prekni dhe tregun ndërkombëtarë.
