Inspektoriati i Lartë i Deklarimit dhe Kontrollit të Pasurive dhe Konfliktit të Interesave, bën me dije se më datë 1.7.2017, fillojnë të zbatohen efektet juridike të detyrimeve të përcaktuara në ligjin nr. 60/2016, datë 2.6.2017 “Për sinalizimin dhe mbrojtjen e sinjalizuesve”, për subjektet privatë.
Qëllimi i këtij ligji është marrja e informacioneve dhe sinjalizimeve nga sinjalizuesit, njësia përgjegjëse ose e drejtëpërdrejtë nga ILDKPKI, për raste e veprave penale të korrupsionit, çdo veprim ose mosveprim të kundërligjshëm, sipas legjislacionit penal në fuqi, në lidhje me çdo formë të korrupsionit aktiv, korrupsionit pasiv, shpërdorimit të detyrës ose komptencave, ushtrimit të ndikimeve të paligjshme në kryerjen e detyrave ose marrjen e vendimeve, shpërdorimit të të ardhurave të Buxhetit të Shtetit, përfitimit të paligjshëm të interesave, si dhe çdo akt tjetër të ngjashëm më to, të kryer në subjektin tuaj nga pronarët, administratorët, drejtuesit dhe cilido tjetër, hetimin e këtyre rasteve nga ILDKPKI dhe përcjelljen e tyre organit të Prokurorisë dhe Policisë së Shtetit, ku gjenden element të veprave penale të mësipërme.
Në zbatim të nenit 10, të ligjit 60/2016, Udhëzimit nr.1, datë 23.9.2016, “Për miratimin/përcaktimin e strukturës , kriteret e përzgjedhjes dhe trajnimin e punonjësve të njësisë përgjegjëse në subjektet privatë”, pranë çdo subjekti privat që ka më shumë se 100 të punësuar, caktohet 1 njësi përgjegjëse e cila regjistron, heton administrativisht, shqyrton sinjalizimet për rastet e korrupsionit dhe raporton pranë ILDKPKI sipas ligjit.
Për sa më sipër mbartni detyrimin për ngritjen e njësisë përgjegjëse dhe njoftimin me shkrim të Inspektorit të Përgjithshëm pranë ILDKPKI për krijimin e saj, së bashku me gjeneralitetet, pozicionit të punës, pozicionit të punës, si dhe kontaktët e punonjësve të caktuar, brenda datës 15.7.2017.
Shkelja e detyrimeve të përcaktuara në këtë ligj, ju ngarkon me përgjegjësi administrative dhe penale.
Klik: Ligj nr.60/2016, datë 2.6.2016 “Për sinalizimin dhe mbrojtjen e sinjalizuesve”