Sekretari i Përgjithshem i Bashkimit të Prodhuesve Shqiptarë, z. Arben Shkodra ka qenë i ftuar në Scan Tv për të diskutuar mbi propozimet e sipërmarrjeve prodhuese lidhur me draftin për paketën fiskale 2018. Z. Shkodra u shpreh se politikat fiskale të qeverisë duhet të orientohen sipas sektorëve prioritarë. Sipas tij, bujqësia dhe agropërpunimi duhet të lehtësohen më tepër. Nje tjetër taksë e rëndësishme që pritet të shtrohet sërish për diskutim është taksa e ambalazhit e cila krijon jo pak vështirësi për sipërmarrjen prodhuese.

Bashkimi i Prodhuesve Shqiptarë ka dërguar propozimet e tij lidhur me përmirësimin e sistemit fiskal në muajin shtator, ndërsa po harton sërish propozimet e sipërmarrjeve prodhuese lidhur me draftin e paketës fiskale të propozuar nga Ministria e Financave vetëm pak ditë më parë. Ministria për Mbrojtjen e Sipërmarrjes pritet të që t'i mbledhë këto kërkesa për t'i paraqitur pranë Ministrisë së Financave.